Les mots surlignés font l'objet d'une note
1Reçue à Grenoble, le 04 mars 1573. Répondue
2Monseigneur, je m’asseure que estes adverti de se qui
3est survenu au Pousin. Il vous souviendra
4de se que autresfoys vous ay dict et escript du
5dict Pousin et autres quatre villes. Dieu a voulu
6que pour enchore le sort soit tumbé ors de
7votre gouvernement. Je vous assure que jamès les
8huguenaulx voysins ne levarent tant fort le nés.
9Je suis en lieu bien muni de telles gens et
10en grand nombre qui toutesfoys ne font nul
11semblant et si suis bien mal accompagné de
12gardes quar les principaulx chefs des maysons
13ne viennent pas ausdites gardes et les autres y
14viennent sans armes. Sil vous plait adviserés en
15tout et serés de ma part obéy de tout mon
16pouvoyr. Le souldat qui me devoit vendre le
17cheval est allé à Orange et dict venir au
18souldat a resceu grand contentement de la
20prinse du Pousin et se desesperoit quant
21entendoit la batterye que monseigneur le mareschal
22Damville faysoit faire à Sommiayre et pour
23navoyr autre chose digne de vous, ferey fin par
24mes très humbles. Priant Dieu,
25monseigneur, vous donner en bone santé, longue et
26heureuse vye. De Veyne, se IIe mars.
27Monseigneur, après la letre escripte, vous advise quay advertissement quíl a passé
28à Montbrun ung Espagnol à piet qui parle toutes langues et vient de Genefve et
29dabundant que les seigneurs de Sainct Romain et du Chayla sont coronelz de VIIIm[ille]
30hommes et que les engromens se
31doyvent lever et se doit estre
32pour la fin de se moys ou à mi avril.
33Votre plus humble et affectionné à
34vous faire servisse
35Ville Frache